Skaðaavboðini til Jógvan Martin Olsen tykjast ongan enda taka.
Nú er eisini greitt, at maðurin við flestu føroysku landsliðsmálunum ikki er tøkur til ferðina til Serbia.
Rógvi Jacobsen hevur í eina tíð verið plágaður av skaða í lærkrikanum, og eftir dystin hjá KÍ á Skála í gjárkvøldið, gjørdist heilt galið.
Boðini eru, at hetta krevur hvíld í tvær vikur, og tí verður Rógvi ikki partur av hópinum til tær báðar komandi uppgávurnar.
Aðrir menn á skaðalistanum hjá Jógvan Martini Olsen eru Súni Olsen, Christian Lamhauge Holst, Fróði Benjaminsen, Einar Hansen og Arnbjørn T. Hansen.
