Russiski forsetin, Vladimir Putin, helt seinnapartin í dag eina røðu í Volgograd í samband 80-áradagin fyri slagnum um Stalingrad.
Sambært tíðindastovuni Tass, sum Reuters endurgevur, samanbar forsetin støðuna fyri áttati árum síðan við stríðið við Ukraina og vesturheimin í dag.
Í røðu síni fanst hann eitt nú at Týsklandi og avgerðini um at senda stríðsvognar til Ukraina.
- Tit hótta okkum við týskum Leopard-stríðsvognum, segði Vladimir Putin sambært Reuters.
Forsetin segði, at Russland sendir meira enn bara stríðsvognar, og hann segði seg vera fullvísan í einum sigri í Ukraina.
##med2##