Í dag skal russiski forsetin, Vladimir Putin, á flog í einum strategiskum russiskum bumbuflogfari.
Tað siga myndugleikarnir í Russlandi, og tað er talsmaðurin hjá Kreml, Dmitrij Peskov, sum er kelda hjá russisku tíðindastovuni, Ria.
Myndugleikarnir í Russlandi siga, at forsetin skal flúgva við einum nútímans, Tu-160M-bumbuflogfari.
Sagt verður, at hetta er eitt sonevnt supersoniskt flogfar, sum merkir, at tað kann flúgva skjótari, enn ljóðið ferðast.
Flogfarið kann eisini bera kjarnorkuvápn.
- Flogferðin hjá Vladimir Putin fer at vara í umleið 40 minuttir, sigur Kreml-talsmaðurin, Dmitrij Peskov, við ávísina, Ria.
