Í góðveðrinum, sum hevur verið í dag, hevur Miðstovugarðurin í Trøðum á Sandi skipað fyri einum serligum tiltaki, tey "purruveiði".
- Kom og ver við til at bjarga purrunum frá regninum og gjald tað, tú heldur er passandi.
Hetta vóru boðini hjá Miðstovugarðurin fyrr í vikuni, og tiltakið er á Sandi í dag - frá klokkan 13.30 til 16.30.
Mold-og Matmentanarháskúlin bjóðar eisini kaffi, te og køkur í veltuni hjá miðstovubóndanum.
Nakrir bilar hava staðið við vegkantin á Sandarflótti í dag, síðan tiltakið byrjaði, og fólk hava verið í veltuni.
Bæði Miðstovugarður og Uttastovugarður velta nógva ymiska grøði, og í dag hevur Miðstovugarðurin gjørt burturúr.
- Purrur rigga serstakliga væl at skera í flísar og frysta, siga tey á Miðstovugarðinum.
