Nú tíggju dagar resta í til valdagin, verður øðrvísi pallfundi.
Dyrnar lata upp í kvøld klokkan 19, tá ið ókeypis kjakfundur og tónleikur verður í Reinsarínum og Perluni, sum Politiko skipar fyri í samstarvi við Miðlahúsið.
Trý løgtingsvalevni frá hvørjum av luttakandi flokkunum fara at kjakast um Mentan og List, Heilsuverkið og Fólkavøkstur, meðan Punjab og Jóhanna Norðberg Niclasen fara at framføra í steðgunum millum kjakevnini.
- Kjakformurin verður leysur og stuttur, soleiðis at vit kunnu fáa livandi orðadrátt millum floksumboðini og áhoyrararnir sleppa at seta umboðunum spurningar, áðrenn valevnini at enda fara útum at togtogast, siga fyrireikararnir.
Vanligu hentleikarnar í Perluni og Reinsaríinum verða tiknir í nýtslu, og ungmannafeløgini fara at hava kunnandi básar í Perluni.
Til ber eisini at lurta við á nýggja bústaðnum hjá Rás2 á 98.7 ella 88.7 og umvegis stroyming á in.fo leinkjuni her klokkan 19.30.
Fullfíggjað skrá og kunning eru tøk á facebooksíðuni hjá Politiko, meðan kjakluttakararnir kunnu síggjast niðanfyri.
Heilsuverki
Ingvør Justinussen, Fólkaflokkurin
Eyðgunn Samuelsen, Javnaðarflokkurin
Jógvan Skorðheim, Nýtt Sjálvstýri
Katrin Kallsberg, Tjóðveldi
Margretha Kjærbæk, Miðflokkurin
Fólkavøkstur
Sólvit Emilsson Nolsøe, Fólkaflokkurin
Sonja J. Jógvansdóttir, Javnaðarflokkurin
Bárður Kass Nielsen, Nýtt Sjálvstýri
Bjørt Samuelsen, Tjóðveldi
Esmar Petersen, Miðflokkurin
Mentan og list
Annika Olsen, Fólkaflokkurin
Bjørg Dam, Javnaðarflokkurin
Bjørn á Heygum, Nýtt Sjálvstýri
Petur Háberg, Tjóðveldi
Rani Andrasson Skaalum, Miðflokkurin
