Petur Knudsen fær javnt og samt spælitíð, men hann hevur byrjað á beinkinum hjá Lyngby í næstbestu donsku fótbóltsdeildini seinastu dystirnar.
Lyngby vann seg í kvøld uppá næstfremsta plássið við einum trivaligum 3-0 útisigri á Fremad Amager, ið var bjargað frá húsagangi fyrr í vikuni.
Í steðginum var støðan 0-0, men í seinna hálvleiki lá væl fyri hjá Lyngby við málskjótingini. Petur Knudsen kom á vøllin tá 78 minuttir vóru farnir av dystinum. Tá var støðan 2-0 til Lyngby.
Fremad Amager – Lyngby Boldklub 0-3 (0-0)
58′, Magnus Kaastrup, 0-1
63′, Sævar Magnusson, 0-2
85′, Magnus Kaastrup, 0-3
Lyngby hevur 40 stig á øðrum plássi, fimm stig færri enn oddaliðið, FC Helsingør.
Komandi fríggjakvøld tekur Lyngby móti Nykøbing á heimavølli.
