- Seinasta hálva árið hava vit tvífaldað okkara virksemi, eins og vit hava tvífaldað talið av starvsfólki.
Tað sigur stjórin í lýsingarfyritøkuni, Krea, Jaspur Langgaard, sum fegnast um góðu gongdina hjá fyritøkuni.
- Nýggjastur í hópinum er Petur Kirke, sum er 47 ára gamal og hevur drúgvar royndir sum internet forritari. Petur er útbúgvin sum datanom við denti á dátugrunnar og forritan.
Jaspur Langgaard sigur, at Petur byrjaði sína starvsleið sum 18 ára gamal í BankNordik, men um ta tíðina, tá internetið kom til Føroyar, gjørdist áhugin fyri forritan stórur. Síðan tá hevur hann arbeitt ymsastaðni innan KT.
- Tað eru kanska virkir og kommunur í Eysturoy, sum eru okkara viðskiftakundar, men annars arbeiða vit um alt landið, sigur Jaspur Langgaard.
