Par­trol­ar­ar vána­ligan fiski­skap

Flestu línuskip eru antin til fiskiskap ella fara út í næst­um, og væntandi er, at línuskipini, sum eru til fiskiskap, koma inn at landa síðst í hesi vikuni.
- Línuskipini fiska bæði á djúpum eftir bros­mu og longu og grynri eft­ir toski og hýsu.
Tað veit Fiska­mark­nað­ur Føroya at siga í sín­um metingum fyri hesa vikuna.
Lagt verður aftrat, at tvey línuskip eru á Flem­ish Kap og fiska tosk.
Um útlitini fyri útróðri verð­ur sagt, at streymurin fyrstu dagarnir í hesi viku­ni verður góður, og veður­for­sagnirnar eru hampi­ligar.
Flestu par­trolara­pør­ini fiska eystanfyri, og tey koma inn at landa, sum vikan gongur.
- Fiskiskapurin hjá par­trolarunum er vána­lig­ur, tá hugsað verður um árs­tíði­na, men fiskimenn vóna, at fiskiskapurin fer at taka seg upp nú.
Um dúp­vatns­trolar­ar­nar, sig­ur marknaðurin, at tveir fiska upsa og ein fiskar svartkalva, konga­fisk og blálongu.
- Teir, sum fiska upsa, koma neyvan at landa í viku­ni, meðan tann triði landa­r helst síðst í hesi viku­ni.
Lagt verður aftrat, at trígg­ir djúpvatnstrolarar eru á Flemish Kap og fiska tosk. Teir frysta veið­ina umborð.
Fiskamarknaður Før­oya sigur, at allir teir smáu trolbátarnir fiska hav­tasku í løtuni, og vænt­andi landar ein trol­bátu­rin í dag. Hinir koma inn seinni í vkuni.
At enda verður sagt um garnaskipini, at fiski­skap­urin hjá hesum skip­um nú er batnaður, og væntandi kemur eitt garna­skip inn at landa síðst í hesi vikuni.
- Tvey garnaskip, sum eisini eru úti, frysta veið­ina umborð, og øll garnaskipini fiska í løtu­ni svartkalva, sigur Fiska­mark­nað­ur Føroya.