Dagur og Vika hevði mánakvøldið innslag um, at ov fáar fløskur og blikk koma retur til tey, sum selja hesar vørur. Umhvørvisstovan vil hava, at í minsta lagi 85 prosent av teimum seldu íløtunum verða latin innaftur.
Men tað er lættari sagt enn gjørt.
Og tað er ikki so løgið, tí tað skal óvanliga gott tol og planlegging til at sleppa av við tómu fløskurnar.
Eitt er, at tað ber bert til at lata fløskur inn ávísar tíðir á vikuni, so stendur tú ikki klárur millum hálvgum tvey og tríkorter til tvey annan hvønn hósdag, so taka tey ikki ímóti fløskunum.
Og so sleppur mann bert av við fløskur, um handlarnar selja hesar fløskur. So tú skalt runt í fimm ymiskar handlar fyri at sleppa av við fløskurnar, og teir fimm handlarnir hava eitt lítið skoðbrá hvørja viku, har tað ber til at avlevera fløskurnar.
Nei, tað er vist, at tey, sum selja okkum fullu íløt-ini, vilja ikki hava tómu íløtini aftur frá okkum. Og skal Umhvørvisstovan loysa trupulleikan, so mugu sølustøðini antin fáa strangar ordrar um lagaligari móttøku, ella má ein samskipað móttøka gerast á Rúsuni, sum uppskot hevur verið frammi um.
