Vandin fyri einari veruligari umhvørvisvanlukku við Meksikanska Flógvan veksur í hvørjum, og og nú er oljubletturin sum eitt lítið land til støddar, skrivar AP. Sagt verður, at oljubletturin er nú umleið 200 kilometrar til longdar og einar 110 kilometrar breiður.
Oljan rekur undan vindinum inn ímóti strondini, og at fleiri djór so sum skjaldbøkur eru funnin deyð í oljuni fram við strondini.
Oljufelagið BP sigur, at felagið hevur sett sær fyri at taka ta tjúkku ráoljuna upp og at fáa hana umborð á eitt tangaskip.
