Við Nordjyske Siftstidende greiddi Olivia Hansen frá stór arbeiðinum við at brodera dúkin. Tá hon hevði broderað, skuldi dúkurin vaskast, áðrenn hon kundi klippa í hann. Dúkurin er úr hør, sum tódnar, tá tað verður vaskað millum seks og tíggju prosent. Tí var hon sera spent at síggja, hvussu dúkurin sá út á altarinum.
- Eg var ógvuliga fegin, tá eg legði hann á altarið dagin fyri, og hann passaði væl, sigur Olivia Hansen, sum hevur lært alt um klassiskt hvítt broderí á kvøldskúla hjá Jenny Simonsen í Havn.
Myndevnini á nýggja altardúkinum vísa til kirkjuligar handlingar: Jákupsstigin, hvítusunnuliljan, krossurin og kalikurin.
Aftan á hátíðargudstænastuna varð boðið til ábit á Norðsjóvarsentrinum, har greitt varð frá søguni hjá kirkjuni í Hirtshals – serliga úr 56 síðurs stóra jubileumsritinum, sum meinigheitsráðið hevur givið út í sambandi við 100 ára dagin.
