Seinastu tíðina hevur nógv verið tosað, at børn, sum eru orðblind, fáa ov lítla hjálp, og funnist hevur verið at, at viðhvørt er tað ikki, fyrrenn í miðnámsskúla, at tað kemur undan kavi, at næmingar eru orðblindir.
Men nú verður sjøtul settur á eitt arbeiðið at hjálpa orðblindum børnum longu tíðliga í barnaskúlanum og sostatt skulu øll børnini í triðja flokki nú til kanningar at vita um tey eru orðblind.
Tey eru eini 700 í tali og í hesum sambandi hava lærarar úr øllum skúlum í landinum, sum frammanundan er serkønir á økinum, verið á skeiðið í at gera hesa serligu royndina, siga Mona N. Steintún og Torgunn Poulsen á Sernáni, við Skúlablaðið.
- Verður orðblindni staðfest, verður mælt til, at skúlin setir tiltøk í verk, soleiðis at næmingurin fær bestu og røttu hjálpina, sigur Skúlablaðið.
Kanningarnar verða nú, og so aftur í oktober. Men so er ætlanin at kanna mæmingarnar aftur í vár at vita, um tey tiltøk, sum eru sett í verk at hjálpa teimum, sum eru orðblind, hava hjálpt.
