ODDAGREIN: Veldst hvørjum tað gagnar

Eitt tílíkt mál er aðalmálið hjá fólki sunn­an­fjørðs, sum í eini 20 ár hava havt ynski um, at Strand­ferðsl­an ikki skal leggj­ast, tá verk­fall er. Vit skilja væl fólk­ið sunn­an­fjørðs, tí tey í Sand­oy og Suð­ur­oy verða so nógv harð­ari rakt, tá Starvs­manna­fel­ag­ið ella ar­beiðs­mann­a­fel­øg leggja sigl­ing­ina um Suð­ur­oy­ar­fjørð og Skop­un­ar­fjørð lamna í dag­ar ella í vik­ur. Eitt er, at tey ikki fáa ferð­ast inn á meg­in­land­ið, men hetta rak­ar eis­ini vinnu­lív­ið hart og er ein hótt­an móti trygd­ini í øki­num.
Sambært tí, sum forkvinnan í Stravs­manna­fel­ag­num sig­ur við Sos­i­al­in í dag, so røk­ist einki fyri, at ein loysn finst við sam­ráð­ing­um mill­um fak­fel­øg og lands­stýr­ið, tí Starvs­manna­fel­ag­ið vil – sum vera man – ikki frá­siga sær ein fram­úr góð­an trumf, sum tað er at leggja tvær heil­ar oyggj­ar lamn­ar, með­an fólk­ið í Havn valla grun­a­r, at verk­fals­støð­a er.
Men hinvegin so er tað ikki í lagi, at eing­in megnar at skera í­gjøgn­um. Lands­stýr­is­fólk­ini klára tað ikki. Fak­fel­øg­ini klára tað ikki, og løg­tings­fólk klára tað ikki. Tí er støð­an fast­læst, og eing­in broyt­ing er at hóma.
Vit kunnu siga tað sama um hes­ar væl­sign­aðu koyr­i­peng­ar­nar, har pol­it­ik­ar­ar sjálv­ir hava gjørt síni egnu við­ur­skifti so lukra­tiv, at lands­stýr­is­fólk fáa upp í 13.500 krón­ur skatta­frítt um mán­að­in om­an á løn­ina. Hetta mál­ið hev­ur fleiri ferð­ir ver­ið og vent í ting­i­num – men tað er so al­tíð tí at miðl­ar­nir hava gjørt vart við tað. Men hó­ast upp­skot kem­ur á ting­borð, so eydn­ast tað al­tíð at skúgva tað til viks við onkr­ari und­an­førslu. Sein­ast var tað tí, at løg­mað­ur ar­beið­ir við mál­i­num.
Men úrslitið verður tað sama.
Í seinastu orrustu hoyrdu vit for­mann­in í fíggj­a­­r­nevnd­ini hjá løg­ting­i­num grund­geva fyri sín­um sjón­ar­mið­um um, hví neyð­ugt er hjá pol­i­t­ik­ar­um at hava sker­skip­an­ir á hes­um øki. Hann segði, at ting­fólk skulu hava skatta­frí­ar koyri­peng­ar at koyra til Havn­ar fyri, tí at ar­beiðs­pláss­ið hjá ting­fólki – alt­so hjá teim­um sum búgva utt­an fyri Havn­ina – er heima við hús. Tá tey fara til Havn­ar á ting­fund, fara tey ør­indi fyri ar­beiðs­gev­ar­aran, vildi Bárð­ur Nilesen vera við.
Niðurstøðan er tí, at tað ber til at gera ser­skip­an­ir, tá tað er til fyri­muns fyri pol­i­tik­ar­ar­nar sjálvar.
Men tað ber ikki til at gera ser­skip­anir fyri mann­ing­ina á Smyrli og Teist­a­num, til tess at tryggja sam­ferðsl­una til suð­ur­økið.
Hetta er før­oyskur pol­it­ikkur í ein­um nøtu­hylki...