ODDAGREIN: Saknar alternativið

Hann sipar til andstøðuna í løg­ting­i­num – og til nógv umrøddu tíð­ar­greinina, hann eisini skrivaði her í blað­num um blokkpolitikk herfyri, har hann heitti beinleiðis á Aksel V. Jo­hann­esen ­og Høgna Hoydal um at skipa ein blokk millum Javn­að­ar­flokk­in og Tjóð­veldi, sum kann vera eitt al­ter­n­a­tiv til samgonguna, sum sit­ur.

Tað uppskotið hjá Eidesgaard fall ikki í góða jørð hjá øllum. Framm­an­un­d­an hevði Aksel V. Johannesen meld­að út, at so leingi hann er for­mað­ur í Javn­að­ar­flokk­i­num fer flokkurin ikki í samgongu við Fólka­flokkin.

Hóast Tjóðveldi javnt og samt hev­ur hvassar atfinningar mót­veg­is Fólk­a­flokkinum, serliga mót­i fiski­vinn­u­pol­i­tikk­i­num, so vil Tjóðveldi ikki avskriva Fólk­a­flokk­in sum sam­starvs­flokk í lands­stýr­i­num.

Her er tað aftur tvíbýtta tvíbýtið, um vit so kunnu siga: Vit hava flokk­­ar, sum hugsjónarliga eru á sið­­bunda vinstra-høgra­ása­num. Men vit hava eisini hin ásin, sum bý­tir flokk­ar­nar upp í samband-full­veldi. Hó­ast Javnaðarflokkurin og Tjóð­veldi at kalla eru samdir á vinstra-høgra­ása­num, so standa teir í hvør sínum borði á sam­band-full­veld­is­ása­num.

Tað er hesin veruleiki, sum ger før­oysk­an politikk so fløktan. Við­hvørt velja flokkar annan ásan og við­hvørt hin. Sam­gongan, sum sá dags­ins ljós eft­ir krepp­u­árini í ní­ti­ár­u­num mill­um Tjóðveldi, Fólka­flokk­in og teir smáu í 1998 var eitt úrs­lit av, at sjálv­stýr­is­kreft­ir­nar – ella full­veld­is­kreft­ir­nar, leit­aðu saman í samgongu. Fyri ta tíð var tað bara hent í 1962-66, tá Fólk­a­flokk­ur­in eisini hevði leiðsl­una í Ting­a­nesi.

Men hvat er so alternativið til sit­andi samgongu kunnu vit spyrja? Sjálvandi er andstøðan al­tíð eitt boð upp á eitt alternativ. Men skal sitandi andstøða manna stjórn­ar­skriv­stov­ur­nar í landinum, so skulu fleiri man­dat flytast – í minsta lagi trý.

Hinvegin er tað sjálvandi eisini ein møg­u­leiki, at annar av stóru stjórn­ar­flokkunum gongur saman við and­støðuni. Tað kundi verið Fólka­flokkurin og Tjóðveldi, ella Javn­að­ar­flokk­urin og Sambandi. Fyrri møguleikin er valla hugsandi beint nú, so ósamdir flokkarnir eru um eitt nú fisk­i­vinnupolitikkin.

Taka vit seinna møgu­leikan – sam­an við Tjóð­veld­inum, so eru vit aft­ur við mak­rel­sam­gong­una frá 2011, sum helst er besta boðið upp á eina al­ter­n­a­tiva sam­gongu í Før­oy­um.