ODDAGREIN: Miðlarnir eiga ongan góðan

Vit á Sosialinum hava í mong ár ar­beitt við at talgilda savnið av okk­ara bløð­um so­leið­is, at al­menn­ing­ur­in fær lætt­ari at­gongd. Men hetta er eitt so kostn­að­ar­mik­ið ar­beiði fyri okk­um, at tað illa gerst á hand­ils­lig­um grund­ar­lag. Tó hava vit longu eitt stórt talgilt savn av Sosi­al­i­num, sum fevn­ir um 3.693 tær sein­astu út­gáv­ur­nar av blaðn­um – og røkk­ur aft­ur til sep­tem­ber í 1997. Hetta er tað tilfarið, sum sæst á www.sosialurin.fo

Eisini hava vit eina útgávu av Sosi­a­l­inum ­sum e-blað, sum kann les­ast á www.sos.fo. Har ber til at lesa blað­ið í eini flash-útgávu, har tú sært blaðið júst sum tað sær út í prent­aðu útgávuni. Har ber eisini til at leita í savninum upp á orð í tekst­i­num. Vit hava alt tilfarið tókt frá 1. jan­uar 2000 og fram til dagsins blað, tó at alt ikki er lagt í skipanina enn. Men tað sum vit kundu hugsað okk­um var at lagt øll bløðini frá 24. mai í 1927 og fram til 31. desember í 1999 í skipanina eisini.

Her er tað, at Føroya Lands­bók­a­savn er við í mynd­ini, so sum út­varp­ið hjá Kring­varpi­num vísti á um viku­skift­ið. Har verð­ur ar­beitt við eini verk­ætl­an, sum snýr seg um at skanna øll tey før­oysku bløð­ini og leggja tey í eina slíka skip­an, sum verð­ur al­gongd hjá øllum á neti­num.

Vit í Miðlahúsinum stuðla hesi verk­ætl­an av fullum hjarta, tí hetta hev­ur al­tstór­an týdn­i­­ng – ikki minst fyri skúl­ar og fyri gransk­ing í sam­tíð­ar­søgu, sum ann­ars má ger­ast við at blaða í mikro­film­um á Lands­bóka­s­avn­i­num.

Verkætlanin hjá Landsbóka­savn­i­num kost­ar 800.000 krónur. Men hend­an verk­ætl­an er havn­að í Ment­a­mál­a­ráð­num.

Tað er einki nýtt, at fjølmiðlarnir ong­an góðan eiga í politisku skip­an­ini. Tey kunnu skylda upp á al­tjóða fíggjarkreppu ella borg­ar­liga eks­tre­m­ismu. Men vit hava sæð tað sjón fyri søgn nú í nógv ár, at politikarar als ikki virða fjøl­miðl­ar­nar. Og tá er tað líka mik­ið, um tað er Tjóð­veldi, Javn­að­ar­flokkur, Fólk­a­flokk­ur ella Sam­bands­flokkur, sum eig­u­r Ment­a­mál­a­ráð­ið. Øll eru líka kørg, tá tað snýr seg um priv­atu miðl­ar­nar.

Fyri at skapa frið eina løtu varð ein komm­i­sjón sett, sum í fjør kom við ein­um áliti, sum als ikki kundi brú­k­ast, og sum bara hevði til end­a­máls at draga pín­una hjá serliga priv­atu fjøl­miðl­u­num út.

Útlitini í hesum aktuella málið at fáa sam­tíð­ar­søg­una úr bløð­u­num al­gongda fyri øll á neti­num eru ikki góð, um Menta­mál­a­ráð­ið ræð­ur. Men okkara lutur skal ikki liggj­a eftir.