Hesi orðini eigur Johan Dahl, landsstýrismaður í vinnumálum, sum vegna landsstýrið hjá Kaj Leo Holm Johannesen varðar av Atlantsflog.
Orðini segði hann við Sosialin í gjár í sambandi við aðalfundin hjá Atlantsflog fríggjadagin, har størsti privati partaeigarin legði fram uppskot um, at privatu partaeigararnir skulu hava framíhjárætt til vinningsbýti, tí landsstýrið hevur lumpað privatu partaeigararnir í sambandi við lyftið um at privatisera seinna triðingin av felagnum.
Men sambært Johan Dahl, so er einki lyfti um tað – og tá landsstýrismaðurin, sum hevur ráðharraábyrgd, sigur, at »tað stendur ongastaðní í prospektinum«, so tað beinleiðis lygn. Tí tað stendur í prospektinum, at seinni triðingurin eisini skal einskiljast:
»I marts 2006 besluttede den færøske regering ved lov delvist at privatisere Atlantic Airways ved at sælge 33% af aktierne i virksomheden. I de forklarende noter til loven om privatiseringen af Atlantic Airways fremsætter regeringen sine intentioner om at sælge yderligere 33% af aktiekapitalen til institutionelle investorer efter børsnoteringen af virksomheden. Timingen af den anden runde er endnu ikke fastlagt. Da der snart er parlamentsvalg, kan man ikke vide, om den anden runde vil blive udført ifølge den fremlagte plan. Valget afholdes senest den 19. januar 2008.
Ifølge den fremlagte plan vil regeringen fortsætte med at være en vægtig ejer efter den anden salgsrunde.
En andel på 34% i virksomheden vil sikre, at der ikke kan foretages ændringer af vedtægterne uden regeringens godkendelse deraf.«
Prospektið liggur á heimasíðuni hjá Atlantsflog, og tað kann ein og hvør lesa – eisini Johan Dahl.
Vit hava fyrr reist spurningin, um útlendskir íleggjarar kunnu hava álit á landsstýrinum, tá teir beinleiðis verða lumpaðir at spilla pengar upp á íløgur í Føroyum. Spurningurin er, um teir hava álit á einum landsstýrismanni, sum lýgur.
Og so er tað spurningurin, um tað hevur týdning fyri løgmann, at ein landsstýrismaður sigur ósatt?
