Nýggjur maður í býráðnum í Havn í dag

Hvørjaferð ein býráðslimur skal í farloyvi, so skal býráðið geva loyvi til, at næsta fólk á listanum kann møta.

Og tað er fyrsta málið á býráðsfundinum hjá Tórshavnar býráð í dag.

Næsta fólk á listanum hjá Sambansflokkinum er Jóhan Petur Johannesen, sum tí skal møta á býráðsfundinum í dag.

Sambandsflokkurin hevur ein býráðslim í Tórshavnar kommunu.

Tað eru nú tríggir flokkar, sum hava ein býráðslim í part. Fyri Fólkaflokkin vórðu tveir býráðslimir valdir á seinasta vali, Annika Olsen og Birgir Nielsen. Men síðani Annika Olsen fór úr Fólkaflokkinum og vald á ting fyri Tjóðveldi, hevur hon boðað frá, at hon nú umboðar Tjóðveldi í Tórshavnar býráð.

Tí hevur Fólkaflokkurin bara ein býráðslim, Birgir Nielsen. Framsókn hevur eisini bara ein býráðslim. Tað er var Ruth Vang, sum varð vald í býráðið fyri Framsókn, men síðani hon tók við landsstýrissessinum, hevur Súsanna Olsen umboðað Framsókn í býráðnum.

Tjóðveldi fekk tríggjar býráðslimir á seinasta býráðsvali í 2020. Men við Anniku Olsen hevur flokkurin fýra.

Javnaðarflokkurin hevur seks býráðslimir í Tórshavnar býráð.

Hesi stillaðu upp fyri Sambandsflokkin á seinasta býráðsvali: