Í dag sær ein nýggj føroysk bók dagsins ljós, tá Bókadeildin útgevur bókina Seyður og Seyðahald eftir Olav Schneider.
Olav greiður í nýggju bók síni frá gongdini í einum ’seyðaárið’, alt frá brundtíðini og lembing, til ullarroyting, heystfjall og fletting. M.a. er eisini stutt, søguligt baksýni um seyðahald og seyðasløg, um seyðasjúkur og viðgerð, ull og ullaúrdrátti.
Í tíðindaskrivi um bókina skrivar Bókadeildin, at bókin er ein sannur gripur av upplýsingum og frágreiðingum um seyð og seyðahald.
- Við nógvum forvitnisligum myndum, ið neyvt lýsa seyðahald árið íkring, orðafrágreiðingum, talvum og faktaboksum er bókin ikki bara ein sonn fragd fyri eyga, men eisini ein sannur gripur av upplýsingum og frágreiðingum um seyð og seyðahald. Eitt nú lýsir hon neyvt mannagongdina, tá ið tú flettir, skrivar forlagið.
