- Í morgin, fríggjadagin hin 17. oktober klokkan 16, verður spæliplássið í Froðba alment tikið í nýtslu.
Tað siga tey í Tvøroyrar kommunu í dag.
Tað verður Eyð Eidesgaard, forkvinna í trivnaðar- og umhvørvisnevndini í Tvøroyrar kommunu, sum bjóðar vælkomin.
Við løtuna í morgin fer froðbingurin, Eyðun Nolsøe, at syngja og spæla nøkur løg fyri børnunum.
- Vit hava bílagt køkumann frá Breyðkassanum, og afturvið verður Mist. Øll eru hjartaliga vælkomin, siga tey í Tvøroyrar kommunu.
