Rocksangarin Dagfinn Joensen úr Funningsfirði, sum er búsitandi í Danmark, fer nú at hava fyrstu konsertina við nýggjum bólki.
Seinastu tvey árini hevur hann verið sangari í Bloody Dice, men orsakað av koronu hevur bólkurin onga veruliga konsert havt enn. Tað skal broytast, og í kvøld spælir Bloody Dice á spælistaðnum High Voltage í Keypmannahavn.
Bloody Dice spælir rock av tí gamla slagnum og hevur gjørt sínar egnu sangir. Teir hava í koronutíðini havt onkrar stroymdar framførslur, men nú kunnu teir upplivast á palli í spælistaði.
##med2##
