Semja er í dag funnin í sjónvarpsstríðnum millum Discovery og Canal Digital, ið inniber at føroyingar og aðrir norðurlendingar aftur síggja tær rásir, ið tey vanliga hava sæð.
Ósemjan millum fyritøkurnar báðar gjørdi, at 2,5 milliónir norðurlendingar, harímillum føroyingar, mistu sjónvarpsrásir sum Kanal 4, Kanal 5, 6'eren, Eurosport og Discovery rásirnar í tíggju dagar.
Í Føroyum vóru bæði tey við egnu parabol og tey við Televarp rakt av ósemjuni, tó at Televarpið skjótt fekk viðurskiftini í rættlag, so teirra kundar sóu allar rásirnar.
Men nú partarnir eru vorðnir samdir um eina nýggja prísavtalu, fáa allir sjónvarpshyggjarar aftur møguleikan at skifta millum 6'eren, Eurosport, Discovery og hinar rásirnar.
