Tá ið korona fór at herja, vóru tað fleiri fyritøkur, sum, sum máttu skerja virksemið munandi, og fleiri máttu eisini gevast.
Tað var í mars mánað í fjør, men eftir tað stóra fallið, har nógv fólk mistu arbeiðið, fóru hjólini so smátt at mala aftur, og í Føroyum eru fleiri fólk til arbeiðis nú, enn tað vóru áðrenn korona fór at herja.
Hagstovan hevur samanborið gongdina í Føroyum við gongdina í hinum Norðurlondunum, og tann samanberingin vísir, at í so máta eru tað Føroyar, sum hava staðið seg best.
Eisini í Danmark er talið á løntakarum nú tað sama, sum tað var áðrenn koronu, men hini Norðurlondini eru ikki heilt komin upp aftur á sama stig, sum tey vóru fyri koronu.
##med2##
Men sum tað sæst á talvuni oman fyri, er tað eisini ymiskt, hvussu hart korona rakti í teimum ymsu Norðurlondunum.
Bæði í Føroyum, og serliga í Íslandi, fall talið á løntakarum rættiliga nógv, men í Danmark og í Noregi, fall tað ikki so nógv.
Men tað var skjótt, at talið á løntakarum í Føroyum fór at veksa aftur, men í Danmark er tað serliga hesar seinastu mánaðirnar, at hjólini eru farin at mala skjótari aftur.
Men hvørki í Íslandi og í Noregi eru tey komin rættiliga upp í ferð aftur, gongdin bendir á, at í Íslandi nærkast løntakaratalið tí, sum tað var fyri koronu.
