Í næstum letur ein nýggj padel-tennis høll upp í Havn, sum gongur undir navninum Padel.fo.
Talan er um eina ítróttagrein, sum er blivin óvanliga populer uttanlands upp á sera stutta tíð. Padel kann í stuttum best lýsast sum ein blanding millum tennis og squash.
Tað verður á Hálsi í Havn í gomlu Prentsmiðstøðini. Stigtakari er Fróði Sigvardsen, sum eigur hølini, og hann fær góða hjálp frá soni sínum Hákun Sigvardsen.
– Eg visti ikki beinanvegin, hvat eg skuldi brúka hølini til. Eg spekuleraði, um tað kundi brúkast til handilsvirksemi ella hvat. Men so kom hugskotið at brúka tað til padel-tennis, fortelur hann.
Íblásturin at byrja padel tennis er komin úr Danmark, har ítróttagreinin sum sagt hevur vunnið nógv fram seinastu heilt 2-3 árini. Í 2007 var ein bani í Danmark. Í 2018 vóru 32 banar. Í 2020 vóru 203, og í dag eru heili 869 banar, sambært Dansk Padel Forbund.
– Vit hava spælt padel niðri í Danmark. Tað er stuttligt. Hetta er upplagt at hava í Føroyum eisini, sigur Hákun Sigvardsen.
Feðgarnir vænta, at klárt verður at lata upp um einar tvær vikur.
##med2##
##med3##
##med4##
(Myndir: Álvur Haraldsen)
