Víst verður á, at tað var við góðum treysti, at fýra føroysk-eitt norskt- og eitt skotskt felag í heyst stovnsettu felagið P/f North Atlantic Provider. Felagið skuldi virka við at útvega arbeiði innan eina komandi oljuvinnu. Suni á Dalbø, ið hevur virkað sum ráðgevi hjá Suður- Vestur Samtakinum, stóð á odda í stovnsetanini, og gjørdist stjóri.
Nú er so avgerð tikin um at niðurleggja alt virksemið felagsins, hóast felagið á ongan hátt er farið á húsagang. Nevndin kom uppí fyri einum mánað síðani, tí ov nógvir pengar vórðu brúktir í mun til inntøkurnar.
Virksemi felagsins er lagt stilt, men kann fara at virka aftur, tá tíðin er búgvin til tess.
