Norðurlendskt umbýti av starvsfólki í landsfyrisitingini

Norðurlendska tænastu­manna­um­býtis­skipanin ger tað møguligt hjá starvsfólki í lands­fyri­sitingini at fara til eitt av Norður­londunum at arbeiða í eina tíð. Stuðul verður veittur til ferða- og uppi­halds­útreiðslur hjá lut­takara.
Skipanin hevur virkað síðan 1979 og endamálið er at fremja norður­lendskt samstarv. Hetta verður framt við at  geva luttakarunum kunnleika til fyrisiting og lóggávu o.a. í hinum norð­urlondunum.
Tað er ikki neyðugt, at lut­takari býtir um pláss við ein starvsfelaga í einum øðrum norðurlandi, tó er onki, sum forðar hesum. Í 2006 hava Føroyar kr. 118.000 at ráða yvir.
Soleiðis virkar skipanin
Skipanin fevnir um starvs­fólk, sum starvast í lands­fyrisitingini bæði tænastu- og starvsmenn. Uppihaldið kann vara millum 1 og 8 mán­­aðir í einum kalend­ara­ári. Stuðulin í 2006 er kr. 8.000,- um mánaðin um­framt ferðaútreiðslur aft­ur og fram. Endurgjald verð­ur einans latið fyri ferð­ing á bíligasta hátt.
Treytin fyri at fáa stuðul er, at viðkomandi fær frí við løn úr starvi sínum. Tíðin verður tald við í lønar- og eftirlønaraldrinum. Tey, sum vilja nýta skipanina, gera sjálvi avtalu við stovn í øðrum norðurlandi.
Áðrenn 3 mánaðir eftir heimkomu, skal luttakari senda Løgmansskrivstovuni eina frágreiðing um uppi­haldið og ein stuttan saman­drátt á skandinaviskum máli t.d. á donskum, sum Løg­mans­skriv­stovan sendir avgreiðslu­skriv­stovuni hjá Norður­landa­ráð­harra­ráð­num.
Umsóknir
Umsóknir um stuðul skulu sendast Løgmans­skriv­stovuni ígjøgnum leiðsluna á stovninum. Umsóknin skal innihalda fylgjandi upp­lýsingar:

1.Navn á umsøkjara, føð­ingardagur og bústaður
2.Starvsheiti, starvsaldur og starvsstaður
3.Arbeiðsuppgávur
4.Navn og bústaður á stovni, avtala er gjørd við og tíðar­skeið
5.Upphæddin, sum søkt verð­ur um - tíðarskeið og ferðaútreiðslur

Upplýsast skal, um umsøkj­ari hevur søkt um annan stuðul.
Umsóknin skal innihalda ummæli frá stovninum, har stovnurin sigur frá, um viðkomandi kann fáa tæn­astufrí við løn.
Umsóknarfreistin er 01. februar 2006. Umsóknir, sum koma inn aftaná hesa dagfesting verða bert við­gjørdar, um peningur er tøk­ur.

Nærri upplýsingar um skip­anina fáast við at venda sær til Løgmans­skriv­stov­una  stjórnardeildina og fá­ast eisini við at fara á heima­­síðuna hjá Nordisk Ministerråd:
www.norden.org  og hyggja undir Støtteordninger  Bi­drags­ydere alfabetisk - Nordisk utbytestjänstgöring
Her kanst tú finna bústaðir í Íslandi og Noreg:
www.arsalir.is
www.leigulistinn.is
www.hybel.no
www.bolignorge.no