Nú klokkan 19 verður fyrsta bríksl á Svangaskarði, har NSÍ í kvøld eigur heimavøll ímóti norðurírska Ballymena. Fyri einari viku síðani legði NSÍ rygg til 2-0 tap í Norðurírlandi. Málini vórðo skorað fyrstu tíggju minuttirnar eftir steðgin.
Tað hevði sæð betri út hjá NSÍ, um tað á útivølli var eydnast at umseta onkran av heilt góðu málmøguleikunum til týdningarmikla málið á útivølli, men tað eydnaðist ikki.
Í NSÍ halda teir seg hava møguleika at svara aftur og vinna so mikið trivaligan sigur, at NSÍ verður samantaldur vinnari. Treytin er, at NSÍ skal skora tvey mál fyri at fáa longda leiktíð. Fyrsta treytin er, at heimaliðið á Svangaskarði heldur Ballymena United burtur frá føroyska málinum.
Um gestirnir skora eitt mál, so verður tað neyðugt hjá NSÍ at skjóta fýra mál, um tað skal eydnast at vinna seg víðari í kappingini.
NSÍ – Ballymena United kl. 19.00
Á Svangaskarði
NSÍ: Tórður Thomsen – Bárður J. Hansen, Oddur Højgaard, Jóhan Troest Davidsen, Pætur Hentze – Peder Nersveen, Pól Jóhannus Justinussen – Petur Knudsen, Jann Martin Mortensen, Jann Benjaminsen – Klæmint A. Olsen
Ballymena: Ross Glendinning – Jim Ervin, Scot Whiteside, Kofi Balmer – Tony Kane, Leroy Miller, Declan Carville, Jude Winchester, Steven McCullough – Adam Lecky, Cathair Friel
