Eisini Norðoya Sparikassi tillagar nú rentuna aftan á hækkingina hjá Evropeiska Miðbankanum og Tjóðbankanum. Norðoya Sparikassi sigur, at rentan á innlánum hækkar 0,25 prosent, meðan rentan á útlánum og kredittum hækkar 0,50 prosent.
Samstundis verður rentan á vinnulánum, sum verða rentað í mun til Cibor-rentuna, hækkað 0,25 prosent.
Rentuhækkingarnar hjá Norðoya Sparikassa fáa gildi mánadagin 11. juni.
