Teir hava ligið á Fuglafirði seinnapartin og lagt lýsi upp - smá 100 tons og annars tikið tungolju umborð, 320 tons.
Í Klaksvík hava teir lagt 500 tons av frystari sild, 700 tons av makreli og 140 tons av mjøli upp.
Eisini hevur Norðborg lagt upp 600 tons av feskum makreli í Kollafirði, sum teir hava fingið í altjóða sjógvi.
Tá ið vit vóru umborð, fekk manningin frágreiðing um góðsku og góðskukrøv í menssuni frá reiðarínum og skiparanum.
Jón Rasmussen var skipari síðsta túr og fór við aftur henda túrin.
Skrivað hevur Dávur Winther
