Níggju ára gamli Nóa, sonur Adu Kristinu Petersen og Jóhan Falkvard Clementsen á Sandi, dámar væl at ganga á fjall og fletta.
Hóast hann bara er níggju ára gamal, hevur hann - síðan hann var lítil smádrongur - havt stóran áhuga fyri seyði.
Um dagarnar, nú teir flettu heima við hús, var Nóa mitt í rokanum. Hann helt seg ikki aftur, men var ágrýtin sum ein annar maður.
Nóa dámar eisini væl at vera á fjalli, og tað er stuttligt at síggja, tá smádreingir í hansara aldri eisini sleppa at taka eina hond í og royna seg við fletting.
