Nes kommuna luttekur í Earth Hour 2024

- Vit heita á borgarar, vinnulív, stovnar og onnur um at sløkkja ljósini henda tíman og stuðla átakinum, siga tey í Nes kommunu.

Leygardagin hin 23. mars frá klokkan 20.30-21.30 luttaka fólk, fyritøkur og stovnar í miljónatali í Earth Hour.

 

Hetta verður gjørt fyri at varpa ljós á umhvørvisligu avbjóðingarnar, sum jørðin hevur.

 

- Hóast ljós verða sløkt í ein tíma, so hvørva avbjóðingarnar ikki, men hetta er eitt høvi at fáa hesar avbjóðingar at reiðrast í tilvitskuni hjá øllum menniskjum.

 

Nes kommuna luttekur aftur í ár. Gøtuljós og onnur ljós verða sløkt henda tíman, men havnalagið er tó undantikið.

 

- Vit heita á borgarar, vinnulív, stovnar og onnur um at sløkkja ljósini henda tíman og stuðla viðkomandi átakinum.

 

Í Nes kommunu heita tey á fólk um at verða eyka ansin í ferðsluni, meðan sløkt er.