Føroyska fyritøkan Navia kunnger hesa vikuna nýggja heimasíðu, sum víðkar handilsvirksemið frá Oyrunum á Toftum og SMS í Havn til altjóða sølu á netinum, á navia.fo.
Á nýggju heimasíðuni, sum hevur fingið dagført snið og fleiri nýggjar hentleikar, ber eitt nú til at keypa yvir 300 føroysk bindimynstur, ið verða send sum PDF-fílur beinleiðis til kundan umvegis teldupost innanfyri ein minutt eftir keypið.
-Hetta er nakað nýtt í føroyskum høpi, sum vit eru sera spent um at kunna veita sum eina tænastu, og verður síðan so líðandi dagførd við fleiri av okkara vørum, sigur Óli Kristian á Torkilsheyggi, stjóri.
-Millum annað verður eitt nýtt bindimynstur at finna á heimasíðuni hvørja viku, sigur hann.
Afturat hesum selur Navia tógv, troyggjur, undirklæði og annað tilhoyr til bæði kyn innan allar aldursbólkar, eins og sítt egna merki av sápu til maskin- og hondvask, sum viðger og reinsar Navia-vøruna.
Føroyska fyritøkan Beak hevur ment og sniðgivið heimasíðuna, sum er tøk á føroyskum, donksum og enskum.
