Magnus Heinason, rannsóknarskipið hjá Havstovuni, fer nú undir at savna rusk, sum kemur inn, tá ið yvirlitstrolað verður. Skilt verður í tveir bólkar, jarn & metall og at brenna.
Hetta er partur av nýggjum átakið hjá Tórshavnar kommunu, sum fór av bakkastokki í gjár í samstarvi við altjóða átakið Fishing for Litter.
Fishing for litter er eitt átak, ið hevur til endamáls at minka um ruskið í havinum. Sum nú er, eru nakrir trolarar í Leirvíkar kommunu við í Fishing for litter verkætlanini. Einfalda skipanin bjóðar fiskiskipum stórar rusksekkir, sum sjómennirnir so kunnu fylla tað burturkast í, sum teir frammanundan fáa við í teirra fiskiskapi. Haraftrat skal mann einki gjalda fyri at beina skrellið burtur.
Átakið Fishing For Litter er í Bretlandi, Niðurlondum, Svøríki og Føroyum, og tað er Kommunenes Internasjonale Miljøorganisasjon (KIMO), ið eigur átakið. Tórshavnar kommuna bleiv limur í 1. januar í ár.
