Amerikanskir, bretskir og danskir granskarar fara nú at kanna, hvussu tað ber til, at ísurin í teimum báðum póløkjunum er minkaður so nógv tey seinnu árini. Endamálið við kanningunum er at fáa eina betri fatan av teimum heimsumfatandi veðurlagsbroytingunum, hvussu broytingarnar í póløkjunum ávirka heimshøvini, og hvørjar avleiðingar hesar broytingarnar kunnu fáa á búskapin og onnur viðurskifti í heiminum.
- Tað er neyðugt at fáa at vita, hvat er í ferð við at henda í póløkjunum, tí tað ávirkarveðurlagið, høvini og heimsins matvørutilfeingi, sigur amerikanski vísindamaðurin Robert Hemenway, sum skal standa á odda fyri kanningunum í póløkjunum.
Í fjør komu granskarar hjá amerikonsku rúmdarumsitingini NASA eftir, at ísurin á Antarktis minkar skjótari nú enn nakrantíð í síðstu øld. Fyrr í hesum mánaðinum loysnaði heimsins størsta ísfjall, eftir at tað hevði staðið á botni við Antarktis eina tíð.
