Fólkaflokkurin
Fólkaflokkurin stendur til framgongd og til at fáa átta tingfólk. Sambært kanningini verða hesi vald:
1. Annika Olsen
2. Jacob Vestergaard
3. Bjarni Djurholm
4. Jógvan á Lakjuni
5. Hanus Samró
6. Jørgen Niclasen
7. Bogi Andrasen
8. Brandur Sandoy/
Pauli T. Petersen/
Johanna Christiasen
Ikki afturvald:
Jákup Mikkelsen
Fólkaflokkurin vinnur ein tingsess afturat. Her er at leggja til merki, at Annika Olsen millum fólkafloksveljarar vinnur »formansvalið«. Næstur verður Jacob Vestergaard, sum var toppskorari seinast. Jørgen Niclasen stendur til verða nummar seks álistanum, aftan á ungdómsvalevnið Hanus Samró. Eisini nýggi fólkafloksmaðurin, Bogi Andreasen, sum er valdur í Tórshavnar kommunu fyri Tjóðveldi, verður valdur. Á áttanda plássi stendur á jøvnum millum Brand Sandoy, Paula T. Petersen og Johonnu Christiansen.
Her sæst eitt nú, at Jákup Mikkelsen í Klaksvík ikki er millum tey tíggju fyrst valdu á fólkaflokslistanum.
Sambandsflokkurin
1. Kaj Leo Johannesen
2. Alfred Olsen
3. Bárður Nielsen
4. Bjørn Kalsø
5. Helgi Abrahamsen
6. Johan Dahl
7. Edva Jacobsen
8. Reimund Langgaard/Terji Davidsen
Ikki afturvald:
Rósa Samuelsen
Sambandsflokkurin vinnur eisini ein tingsess afturat teimum sjey, sum flokkurin fekk seinast. Av teimum fimm á listanum, sum vórðu vald seinast, er tað bara Rósa Samuelsen sum sambært kanningini ikki stendur til afturval. Tey nýggju tingfólkini eru Helgi Abrahamsen og Edva Jacobsen, sum hava sæti sum varafólk. Bárður Nielsen, sum ikki stillaði upp seinast, stendur til at blíva valdur saman við annaðhvørt Reimundi Langgaard ella Terja Davidsen á áttanda plássi.
Javnaðarflokkurin
1. Aksel V. Johannesen
2. Gerhard Lognberg
3. Kristin Michelsen
4. Eyðgunn Samuelsen
5. Rigmor Dam
6. Henrik Old
Ikki afturvald:
Helena Dam á Neystabø
Hans Pauli Strøm
John Johannessen
Javnaðarflokkurin stendur til stóra útskifting. Av teimum trimum á listanum, sum vórðu vald seianst og sum stilla uppaftur, er tað bara Gerhard Lognberg, sum stendur til afturval. Aksel Johannesen stendur til at verða fyrstvaldur á listanum. Eyðgunn Samuelsen, sum situr sum varafólk á tingi, stendur til at verða vald - saman við Kristini Michelsen, borgarstjóra á Tvøroyri, Rigmor Dam og Henriki Old, fyrrverandi tingmanni.
Her er at leggja til merkis, at landsstýrisfólkini Helena Dam á Neystabø og John Johannessen ikki standa til afturval saman við Hans Paula Strøm, fyrrverandi landsstýrismanni.
Sjálvstýrisflokkurin
1. Kári P. Højgaard
Ikki afturvald:
Kári á Rógvi
Nógv hevur verið gitt um lagnuna hjá Sjálvstýrisflokkinum. Men sambært kanningini stendur Kári P. Højgaard til afturval. Her hevur verið gitt, um Kristianna Winther Poulsen, sum gjørdist toppskorari á fólkatingsvalinum, ella eitt nú Jógvan Skorheim, varaborgarstjóri í Klaksvík, fóru at hava ein møguleika.
Sambært kanningini verður floksformaðurin, Kári á Rógvi, ikki afturvaldur.
Tjóðveldisflokkurin
1. Høgni Hoydal
2. Sirið Stenberg
3. Gunnvør Balle
4. Bjørt Samuelsen
5. Annita á Fríðriksmørk
6. Páll á Reynatúgvu/
Óluvá Klettskarð/
Kristina Háfoss
Ikki afturvald:
Bergtóra Høgnadóttir
Heini O. Heinesen
Tjóðveldisflokkurin stendur til at missa tveir tingsessir. Sosialurin skrivaði í einum priki á síðu 2 nú um dagarnar, at Høgni Hoydal fór at sita sum einsamallur hani millum seks konufólk í tingbólkinum hjá Tjóðveldinum. Sambært veljarakanningini er hetta ikki av leið. Høgni Hoydal verður valdur á fyrsta plássi. Fýra kvinnur verða valdar á næstu plássunum, meðan Páll á Reynatúgvu, Óluvá Klettskarð og Kristina Háfoss kappast um síðsta og sætta plássið.
Miðflokkurin
1. Jenis av Rana
2. Mia av Kák Joensen/Karsten Hansen
Ikki afturvald:
Bill Justinussen
(Karsten Hansen?)
Miðflokkurin stendur til at missa ein tingsess. Jenis av Rana verður sambært kanningini afturvaldur – hesaferð á fyrsta plássi. Á valinum í 2008 varð hann valdur á triðja plássi aftan fyri Karsten Hansen og Bill Justinussen. Hin sessis skulu Mia av Kák Joensen og Karsten Hansen sambært kanningini kappast um.
Framsókn
1. Poul Michelsen
2. Tróndur Djurhuus/
Sámal Petur í Grund/
Hanna Jensen
Floksformaðurin Poul Michelsen verður sambært kanningini valdur á fyrsta plássi. Hin sessin skulu tey trý, Tróndur Djurhuus, Sámal Petur í Grund og Hanna Jensen kappast um.
eirikur@sosialurin.fo
