Sagt verður frá, at frálíkur og einanstandandi kórtónleikur verður at hoyra um vikuskiftið. Tað er Sunleif Rasmussen, sum leiðir kórið Tarira á konsertferð í Føroyum. Konsertirnar verða hildnar í fýra ymiskum kirkjum kring landið.
Næsta konsertin hjá Tarira verður í Gøtu kirkju nú sunnudagin 23. mai kl. 16.00. Á skránni eru trý verk, sum ikki eru framførd áður í Føroyum. Talan er um eitt verk eftir Robert Whyte og tvey verk eftir Arvo Pärt.
Fýra tónleikarar eru við á konsertferðini í Føroyum: Sámal Petersen, violin; Nicolas Kapnas, bratsch; Jens Christian Guttesen, cello, og Heðin Kambsdal, orgul.
Tað er Sunleif Rasmussen sjálvur, sum hevur sett á stovn kórið Tarira. Sunleif stjórnar kórinum, og hann hevur útbúgving frá Det Kongelige Danske Musikkonservatorium. Hann hevur millum annað vunnið Tónleikavirðisløn Norðurlandaráðsins, og er hann sera virkin innan føroyskt tónleikalív.
Hinar konsertirnar hjá Tarira verða í Húsavíkar kirkju tann 28. mai og 31. mai í Vesturkirkjuni. Ein konsert hevur longur verið, nevniliga í Sandavági, og sagt varð frá einum tiltakið, sum var væleydnað.
Konsertirnar vara ein tíma uttan steðg og eru ókeypis.
