Í minsta lagi 30 palestinarar eru deyðir í einum ísraelskum álopi á ein skúla í býnum Deir al-Balah miðskeiðis í Gazageiranum.
Tað boða palestinsku heilsumyndugleikarnir frá leygardagin.
Deir al-Balah er eitt øki við nógvum flóttafólkum.
Tað eru heilsumálaráðið í Gaza og fjølmiðlaskrivstovan hjá stjórnini í Gaza, sum hernaðarligu palestinsku rørsluna Hamas stýrir, ið boða frá talinum av deyðum.
Myndugleikarnir upplýsa víðari, at yvir 100 hava fingið skaða í álopinum.
Samstundis sigur ísraelski herurin, at hann hevur rakt ein skipanarmiðstøð hjá Hamas.
Í fráboðan frá herinum stendur, at tað rakti ein "kommando- og eftirlitsmiðstøð, sum Hamas brúkar í Khadija skúlaøkinum í miðbýnum í Gaza".
Sambært Ísrael var skúlin brúktur sum útgangsstøði fyri álopum móti ísraelskum hermonnum og sum goymslustað fyri vápn.
Sivilfólk høvdu verið ávarað undan álopinum, sigur ísraelski herurin.
/ritzau/Reuters
