Í morgun fara tvey blásiorkestur hjá Tórshavnar Musikkskúla á lokala skúlaturné og spæla í trimum skúlum um morgunin.
Orkestrini halda síðani eina almenna konsert um kvøldið, saman við Messingorkestur Tórshavnar Musikkskúla.
Spælt verður á hesum skúlum:
kl. 08:00 á Fløtum, eindin á Frælsinum
kl. 10:00 á Argjahamri
kl. 12:00 Løgmannabreyt
kl. 19:00 Almen konsert við Løgmannabreyt
Orkestrini sum luttaka eru:
Lúðrar - harmoniorkestur manna við 20 næmingum á grundstigi
STM - harmoniorkestur manna við 40 næmingum á miðstigi (Skúlaorkestur Tórshavnar Musikkskúla)
MTM - hornorkestur manna við 20 næmingum á miðstigi (Messingorkestur Tórhavnar Musikkskúla)
Samstundis er hetta eitt stuðulstiltak til STM. Eitt vælmannað lið av næmingum, ferðaleiðarum, foreldrum og lærarum á 60 fólk fara á konsertferð til Keypmannahavnar síðst í apríl.
Orkestrið luttekur í árligu Musikskoledage i Tivoli, og spælir har 30. apríl. Á stevnuni eru eini 230 bólkar og orkestur og okkurt um 5000 luttakar tilsamans.
