Tað ræður um at skunda sær um ein skal hava møguleikan at síggja Nations League dystin millum Føroyar og Malta á Tórsvølli, fríggjakvøldið 7. september klokkan 19.45.
Andrass Thomsen, landsliðssamskipari hjá FSF greiðir frá, at fyrr í kvøld vóru bara 400 atgongumerki eftir til dystin.
Andrass Thomsen vónar eisini, at fólk møta væl upp til HM-undankappingardystin millum kvinnulandsliðini hjá Føroyum og Týsklandi, ið verður á Tórsvølli, týsdagin klokkan 16.
TRÝST á PÍLIN undir MYNDINI, og hoyr samrøðuna sum FM1 hevði við Andrass Thomsen í sendingini "Triði Hálvleikur" fyrr í kvøld.
