- Botnfiskavinnan við Føroyar hevur tað trupult og í alt ov nógvum førum er raksturin ikki nóg lønandi.
Eilif Gaard, stjóri á Havstovuni, sigur í seinastu útgávu av ritinum Sjóvarmál, at fyri at fáa eina stolta og inntøkugevandi botnfiskavinnu, mugu myndugleikarnir raðfesta fakliga vitan hægri – og brúka hana.
- Hetta krevur eitt nú, at Havstovan fær fígging til at gera fleiri kanningar, sum kunnu stuðla undir eini lønandi og burðardyggari vinnu.
Stjórin á Havstovuni vísir á, at Føroyar eisini hava tørv á einum rannsóknarskipi, ið nøktar nútíðar tørv.
- Slík íløga er alneyðug og lønar seg fleirfalt fyri fiskivinnutjóðina Føroyar, sigur Eilif Gaard í Sjóvarmál.
