Leygardagin í næstu viku, 12. oktober, fer málmansvenjarin hjá føroyska A-landsliðnum, Mogens Krogh, at undirvísa á venjaraskeiði, sum Fótbóltssambandið skipar fyri.
Hetta er eitt serligt málmansvenjaraskeið, sum verður henda seinnapartin frá klokkan 14 til 17. Skeiðið er serliga ætlað málmonnum, venjarum og málmansvenjarum.
Skeiðið er ókeypis, men eitt aldursmark upp á 16 ár er sett á. Tilmelding fer fram umvegis Fótbóltssambandið, og er freistin at melda seg til mánadagin 7. oktober.
