Í annaðkvøld verður fjórða innleiðandi umfar í Miss Føroyar kappingini, og hesaferð er tað Miss Norðoyggjar, ið skal finnast. Tann 4. desember var skipað fyri fyrsta undanumfari í Miss Føroyar. Kappingin var hildin í TB-húsinum á Tvøroyri har Sára Olsen og Mirian Við Kvíggjá, vóru mettar sum vakrastu sprundini í Suðuroy, og komu tær tí víðari til finaluna.
Seinni varð farið suður til Sands, har undanumfarið varð hildið á Virkinum á Sandi. Har vóru tað Súsanna Nielsen og Arnina Kjærbo, ið vunnu kappingina.
Kappingin hevur eisini verið í Havini, og komandi vikuskiftið verður farið til Klaksvíkar, har tiltakið verður hildið í Club 700 . Tiltakið byrjar klokka 23.30 og heldur fram til 04.00. Tá skal vakrasta kvinnan í Norðoyggjum finnast, og skal hon umboða Norðoyggjar í komandi Miss Føroyar finaluni.
Tilmelding ferð fram á 256005 ella á MissForoyar@gmail.com
