So eru fyrstu kappróðrarnir á varmakeldu í Fuglafirði avgreiddir. Og eins og á jóansøku á Tvøroyri og í fleiri av hinum kappingunum fyrr í summar, so vóru tað aftur dreingirnir umborð á Beintu úr Miðvági og genturnar umborð á Fípuni Førgu úr Klaksvík, sum vóru fremstar.
Sigurin hjá dreingjunum á Beintu var sannførandi. Beinta var meiri enn eina bátslongd undan Junkaranum úr Kvivík.
Sigurin hjá gentunum á Fípuni Føgru var meiri sannførandi, enn hann hevur verið undanfarnu ferðirnar, tá ið kappingin millum Fípuna og Títling hjá Havnar Róðrarfelag hevur verið stór. Hesa ferð var Fípan hálva bátslongd frammanfyri teir báðar næstu. Kappingina um næstfremsta plássið vann Spógvin av Glyvrum í sera tættari kapping við Títling.
Barnaróður dreingir
1 Beinta 02:54.09
2 Junkarin 02:58.16
3 Fípan Fagra 03:03.15
4 Jomfrúgvin 03:16.11
5 Falkur 03:24.19
6 Ternan 03:26.10
Barnaróður gentur
1 Fípan Fagra 03:00.18
2 Spógvin 03:02.09
3 Títlingur 03:02.12
4 Jallurin 03:09.20
5 Silja 03:17.04
6 Firvaldur 03:29.05
