Um fólk ikki hættar sær at ganga er sambandið til Slættanesar eingin forðing, tí bátur fer at sigla. Tað er Norðlýsið sum siglir.
Túrarnir eru av Oyrargjógv, og fyrsti túrur er leygardagin klokkan 15. Siglt verður allan dagin til eingin ferðandi eru eftir.
Seinasti túrur av Slættanes er leygarkvøldið eftir miðnátt klokkan 01.
Tað ber eisini til at fara til gongu við ferðaleiðara. Farið verður av Oyrargjógv klokkan 15 leygardagin.
Úr skránni kunnu nevnast felagssangur, føroyskur dansur, tónleikur, náttartúrur, myndaframsýning og fólkafundur
Millum teirra, sum framføra eitthvørt, kunnu nevnast Steinbjørn B. Jacobsen, Heðin Samuelsen, Tøkum Lætt, Marjun Nielsen, Hildur Nielsen og Búi Brattaberg.
Dagurin sær fyribils soleiðis út:
Myndaframsýningin í skúlanum við myndum sum lýsa Slættanes bygd frá 1920-1960 letur upp seinnapartin.
Aftan á døgurða verður skipað fyri gongutúri niðan á Túgvu við Marjun og Hildur Nielsen sum ferðaleiðara.
Klokkan 18 verður fólkafundur. Steinbjørn B. Jacobsen og Heðin Samuelsen røða.
Síðani verður hugnaløta í kirkjuni við livandi tónleiki og Tøkum Lætt fer upp á gólv aftaná.
Um kvøldið verður felagssangur og bál. Mentanardagurin endar við einum náttartúri klokkan 02 har møguleiki er at uppliva vakra slætta nesi.
Øll eru hjartaliga vælkomin, sigur Áhugafelagið Slættanes.
