Meira skal á torgið

Randi Jacobsen

Vinnukærunevndin við­ger ósemjuna millum Tórs­havnar býráð og Heils­u­frøð­i­ligu Starvsstovu um, hvør hevur ábyrgdina av sølu­torg­inum í Vágsbotni.
Men Mortan Johannesen, sum í áravís hevur selt fisk og fisk­a­vørur í Vágsbotni, er ó­tol­in, og tí var hann í sein­astu viku á fundi við fyr­i­sitingina í býráðnum.
– Vit vóru samd um, at sølu­torg­ið skal út­byggj­ast, so eisini eplir, røt­ur og annað kann seljast á torg­i­num. Sølutorgið skal vera eitt stað, har fólk dagliga kunnu koma at keypa góð­ar vørur, sigur Mortan Jo­hann­e­sen.
Hann fær seg ikki at halda, at Heilsufrøðiliga Starvs­stovan verður nøkur forð­ing og fer at steingja torg­ið.
– Eg gevi teimum rætt í, at einhvør kann ikki fara í Vágsbotn at selja. Har skal bara kunna seljast fyrsta floks vøra, og tað má vera upp til keyparan at meta um góðskuna. Nýggir selj­arar eru vælkomnir, men treytin má vera, at teir bara selja góðar vørur og taka væl upp eftir so, so tað al­tíð er reint og nossligt á torg­i­num, sigur Mortan Jo­hann­e­sen.