Havstovan hevur nú kunngjørt kanningarúrslit av trolstongdum leiðum, og vísa tey, at meira er av toski og hýsu inni í stongdum kassum, enn á vanligum trolleiðum, men hinvegin er upsanøgdin størri á opnum leiðum, enn í stongdum kassum.
Tað er høvusniðurstøðan frá túrinum hjá Magnus Heinason um kanningar av stongdum leiðum, sum Havstovan kunnger á heimasíðu síni.
Tó er eingin nevniverdur munur í veiðu upp á roynd og tættleika fyri tosk og hýsu millum økini. Bara miðal tættleiki og veiða upp á roynd fyri hýsu vísir seg at vera størri innan fyri kassanar enn uttanfyri.
Av teimum trimum sløgunum er bara miðallongdin av upsa størri á vanligum trolleiðum enn í kassunum.
