Meinhard E. Olsen byrjaði inni fyri Vendsyssel FF, sum fyrr í dag spældi dyst á útivølli ímóti Nykøbing FC í næstbestu, donsku fótbóltsdeildini. Meinhard bleiv skiftur út, tá 80 minuttir vóru farnir av dystinum.
Vendsyssel FF vann ein týdningarmiklan 2-1 sigur. Linus Olsson legði Nykøbing FC á odda, tá ein tími var farin av dystinum. Søren Henriksen javnaði fyri Vendsyssel við einum góðum stútara, tá 10 minuttir vóru eftir av dystinum.
Í tíðini, sum dómarin hevði lagt aftrat gjørdist Thomas Dalgaard stóra hetjan, tá hann aftaná góða sending frá Tiago Leonco beindi bóltin í málið til 2-1 til Vendsyssel FF, sum gjørdist endaliga úrslitið av dystinum. Talan er um fyrsta sigurin hjá Vendsyssel FF í hesum árinum.
Við sigrinum er Vendsyssel FF bert eitt stig frá triðja plássinum, sum gevur rætt til at spæla um eitt pláss í superliguni komandi kappingarár. Komandi sunnudag er føroyingauppgerð, tá Vendsyssel FF í Hjørring tekur ímóti Vejle við Viljormi Davidsen á liðnum.
Støðan í næstbestu donsku fótbóltsdeildini:
| # | ||||||||
|---|---|---|---|---|---|---|---|---|
| 1 | Hobro | 23 | 13 | 4 | 6 | 44 - 25 | 43 | |
| 2 | Skive | 23 | 13 | 2 | 8 | 31 - 34 | 41 | |
| 3 | FC Roskilde | 22 | 10 | 6 | 6 | 31 - 28 | 36 | |
| 4 | Vendsyssel FF | 23 | 10 | 5 | 8 | 34 - 31 | 35 | |
| 5 | FC Helsingør | 23 | 8 | 10 | 5 | 31 - 24 | 34 | |
| 6 | Fremad Amager | 23 | 8 | 9 | 6 | 32 - 27 | 33 | |
| 7 | HB Køge | 22 | 7 | 11 | 4 | 22 - 16 | 32 | |
| 8 | Nykøbing FC | 23 | 9 | 3 | 11 | 31 - 35 | 30 | |
| 9 | Vejle | 22 | 7 | 7 | 8 | 30 - 27 | 28 | |
| 10 | Fredericia | 23 | 7 | 7 | 9 | 21 - 29 | 28 | |
| 11 | Næstved | 23 | 6 | 4 | 13 | 34 - 41 | 22 | |
| 12 | AB Gladsaxe | 22 | 3 | 2 | 17 | 22 - 46 | 11 |
