Finnið bóltin
Tað tykist ganga nakað betri hjá lesarunum at finna útav, hvar bólturin er á myndunum, sum hvønn dag eru at síggja í Sosialinum.
Í fyrsta umfarinum av kappingini vóru bara átta lesarar av teimum mongu, sum høvdu SMSa, ið høvdu kollgitt, hvar bólturin var.
Undirtøkan til næsta umfarið var eins og í fyrra umfarinum rættiliga góð, og hesa ferð vóru heili 20, sum høvdu kollgitt bóltin á teimum báðum myndunum, sum vórðu prentaðar hesar báðar vikurnar.
Millum tey 20 drógu vit navnið hjá Martin í Brekkunum, sum er búsitandi í Hoyvík, og hann kann soleiðis gleða seg til at fáa eitt gávurkort við ferðaseðli aftur og fram á rutunetinum hjá Atlantic Airways.
