Argentinski landsliðsvenjarin, Diego Maradona, er í øðini um Valdano, sum í 1986 var álopsmakkari hjá Maradona, tá Argentina vann HM. Valdano er í dag ítróttarstjóri í Real Madrid, sum hevur tríggjar argentinskar spælarar í hópinum. – Hann átti at tryggja teimum spælitíð og á tann hátt hjálpt landi sínum. Men hann hevur syrgt fyri, at Fernando Gago ikki sleppur nakran veg, hóast hann ikki verður nýttur í Madrid. Og Higuain situr á beinkinum, hóast hann hevur skorað meira enn Benzema og Raul. Og tað er ikki nøktandi, tí eg vil hava spælarar, sum eru í dystarvenjing, sigur Maradona.
