Minna enska steypakappingin, Carabao Cup, hevur í kvøld verið á skránni. Fleiri dystir hava verið spældir, har millum annað Manchester United, Arsenal og Manchester City hava verið í dysti.
Og av teimum trimum, var tað bert Manchester United, ið megnaði at vinna seg víðari í vanligari leiktíð. Manchester United vann dystin móti Swansea við 2-0. Jesse Lingard, ið er uppvaksin í Manchester United, skeyt bæði málini fyri Manchester United í tí dystinum.
Hjá hinum báðum – Arsenal og Manchester City – noyddust bæði liðini út í longda leiktíð móti liðum úr lægri deildum. Arsenal spældi á heimavølli móti Norwich í einum dysti sum eftir vanliga leiktíð endaði við 1-1. Har eydnaðist tað tó Arsenal at draga longra stráðið í longdu leiktíðini, Edward Nketiah skoraði til 2-1 fyri Arsenal.
Manchester City noyddist heilt brotssparkskapping í dystinum móti Wolves, eftir at bæði vanliga leiktíðin og longda leiktíðin varð endað við 0-0. Men í brotssparkskappingini dró Manchester City tað longra stráðið og spældi seg víðari.
Í hinum dystunum vunnu Leicester, Bristol City og Bournemouth seg víðari í kappingini.
Dystirnir í Carabao Cup í kvøld:
Bournemouth – Middlesbrough 3-1
Arsenal – Norwich 2-1 (Arsenal víðari eftir longda leiktíð)
Bristol City – Crystal Palace 4-1
Leicester – Leeds 3-1
Swansea – Manchester United 0-2
Manchester City – Wolves 0-0 (Manchester City víðari eftir brotssparkskapping)
