Manchester United hevur í kvøld lagt seg á odda í Premier League, eftir at liðið vann 1-0 á útivølli móti Burnley. Paul Pogba skoraði einasta málið í einum dysti, har VAR aftur spældi ein leiklut.
Tað var málleyst í fyrra hálvleiki, tá Luke Shaw kom við eini ógvusligari takling, men dómarin dømdi ikki eingongd fríspark. Manchester United fór í kontra og Robert Brady mátti brúka nakað, sum minti um neyðbremsuna. Tað fekk hann gult kort fyri.
Eftir fleiri minuttir av samskifti og ein túr á síðulinjuna, valdi dómarin, Kevin Friend, at geva Luke Shaw gult kort, taka gula kortið frá Robert Brady og geva Burnley fríspark. Løtu seinni stútaði Harry Maguire bóltin í málið, men tað bleiv dømt fríspark móti honum.
Avgerðin kom miðskeiðis í seinna hálvleiki, tá Manchester United hevði kringsett brotsteigin hjá Burnley í allan seinna hálvleik. Marcus Rashford legði bóltin innfyri, har Paul Pogba fluktaði bóltin í málið. Manchester United er nú trý stig fremst í Premier League. Teir møta nummar tvey, Liverpool, næstu ferð.
Ein annar dystur var í kvøld. Everton vann 2-1 á útivølli móti Wolverhampton. Alex Iwobi og Michael Keane skoraðu málini fyri teir bláu úr Liverpool.
| 1 | Man Utd | 17 | 11 | 3 | 3 | 34:24 | 36 |
| 2 | Liverpool | 17 | 9 | 6 | 2 | 37:21 | 33 |
| 3 | Leicester | 17 | 10 | 2 | 5 | 31:21 | 32 |
| 4 | Everton | 17 | 10 | 2 | 5 | 28:21 | 32 |
| 5 | Tottenham | 16 | 8 | 5 | 3 | 29:15 | 29 |
| 6 | Man City | 15 | 8 | 5 | 2 | 24:13 | 29 |
| 7 | Southampton | 17 | 8 | 5 | 4 | 26:19 | 29 |
| 8 | Aston Villa | 15 | 8 | 2 | 5 | 29:16 | 26 |
| 9 | Chelsea | 17 | 7 | 5 | 5 | 32:21 | 26 |
| 10 | West Ham | 17 | 7 | 5 | 5 | 24:21 | 26 |
| 11 | Arsenal | 17 | 7 | 2 | 8 | 20:19 | 23 |
| 12 | Leeds | 17 | 7 | 2 | 8 | 30:33 | 23 |
| 13 | Crystal Palace | 17 | 6 | 4 | 7 | 22:29 | 22 |
| 14 | Wolves | 18 | 6 | 4 | 8 | 19:26 | 22 |
| 15 | Newcastle | 17 | 5 | 4 | 8 | 18:27 | 19 |
| 16 | Burnley | 16 | 4 | 4 | 8 | 9:21 | 16 |
| 17 | Brighton | 17 | 2 | 8 | 7 | 21:28 | 14 |
| 18 | Fulham | 15 | 2 | 5 | 8 | 13:23 | 11 |
| 19 | WBA | 17 | 1 | 5 | 11 | 11:39 | 8 |
| 20 | Sheffield Utd | 18 | 1 | 2 | 15 | 9:29 | 5 |
